Aprobáu un proyeutu pal desarrollu de les nueves teunoloxíes nes zones rurales

"El Conseyu de Gobiernu aprobó na mañana del miércoles un proyeutu de modernización y desarrollu rural denomáu ""MO.DE.LO"", que tien un presupuestu de 3.417.150 euros.

D'alcuerdu colo que dixo'l voceru del Gobiernu nuna rueda de prensa, el proyeutu plantega un conxuntu integráu d'aiciones empobinaes a ufierta-yos a los ayuntamientos asturianos de menos de 50.000 habitantes y a la xente que nellos viva información completa y al día d'infraestructures, equipamientos, bienes, drechos, accesibilidá y movilidá, too ello dende sistemes d'información territorial y software llibre, como base pal avance hacia la meyora de la tresparencia de la Sociedá de la Información, l'alministración eleutrónica y dellos aspeutos sociales y mediuambientales."