Les empreses de llimpieza manden más de cincuenta cartes de despidu

"Les empreses de llimpieza en centros sanitarios entamaron esti miércoles l'unviu de cartes de despidu a los sos trabayadores, polo que consideren ye un incumplimientu de los servicios mínimos marcaos pol Serviciu de Salú del Principáu (Sespa) durante'l paru indefiníu entamáu'l 6 de febreru.

Según les fontes sindicales, nesta octava xornada de fuelga se recibieron más de mediu centenar de cartes de despidu -- lo menos 46 nel Hospital de San Agustín (Avilés); seis nel Hospital de Cabueñes (Xixón); y dos nel Hospital Universitariu Central d'Asturies (HUCA) n'Uviéu-- y esperen recibir más a lo llargo del día y nes xornaes que vienen.

Por embargu, los sindicatos qu'apoyen la fuelga, CC.OO, UXT, USO y CSI, siguen ""firmes"" nes sos vindicaciones y sorrayen que van cumplise namás el 50 por cientu de los servicios mínimos porque ""la fuelga foi sabotiada dende l'entamu y nun se va consentir que se pida'l 100% d'actividá en tolos puestos"", apuntaron. De la mesma manera, aseguraron que n'urxencies, quirófanos, UCI y UVI cumplen servicios mínimos del 100% yá que son ""zones básiques onde hai que respetar el fundamental normal del centru"". Amás, los responsables sindicales dicen desconocer que se produzan daños nes instalaciones y piden que ""nun se llegue a eso"".

El paru afeuta a 950 trabayadores -- un 90% de muyeres -- col oxetivu d'algamar la igualdá salarial ente los emplegaos de la llimpieza de les empreses esternes col grupu E del Sespa, sobre manera no relativo al cobru del conceutu de Desarrollu Profesional, yá que cuenten cola igualdá n'otros conceptos dende 1984."