La Xunta de Personal Docente denuncia la perda d'emplegu públicu

"Los delegaos de la Xunta de Personal Docente, formada por Suatea, CC.OO., UGT, ANPE y CSI-CSIF, aprobaron esti martes por unanimidá les resoluciones que cinquen a les plantiyes orgániques previstes pal cursu que vien y la Ufierta Pública d'Emplegu. Pa la Xunta de Personal, la ""perda de los 129 puestos de trabayu que supón la propuesta de plantiyes ye considerada como una auténtica reconversión nel sector, impuesta ensin negociación, afitada d'un mou soterráu y teniendo como únicu envís l'axuste del presupuestu"".

Tamién-y echen en cara a l'Alministración que se mantuviera al marxe de la negociación colos sindicatos. Poro, los sindicatos refuguen esta ufierta d'emplegu ""por ser dafechamente insuficiente"" y ""denuncien la política de ""coste cero"" impuesta pola alministración"".

La Xunta tamién aprobó otres resoluciones solicitando'l nivel 24 pa tolos maestros, el pagu de trienios de tol profesoráu interín y en práutiques, la negociación d'un reglamentu propiu de les Escueles Oficiales d'Idiomes que finen colos problemes d'anguaño, la definición d'un modelu d'orientación en Primaria y la suspensión d'espedientes abiertos nos centru a los maestros que tean faciendo'l so trabayu d'un mou correutu."