San Miguel, la feria de la güerta

Con motivu de la Feria de San Miguel, patronu de la güerta, celébrase otru añu más en Xixón Agropec, una muestra convocada pola Cámara de Comerciu qu'esti añu trae a más de 500 espositores a enseñar los sos productos. Amás de la feria, esti añu faense tamién unes interesantes xornaes técniques nes que va debatise sobre asuntos tan importantes pal mediu rural asturianu como la comercialización de la carne, el desarrollu rural en zones de montaña y el futuru del sector agroalimentariu en xeneral. Xunta les meses de debate, tamién va haber ponentes d'otros llugares qu'espondrán iniciatives tan interesantes de conocer como'l programa de desarrollu rural del pueblu d'Allariz en Galicia
o la evolución de l'agricultura ecolóxico en Navarra, una estaya a la qu'Asturies ye la comunidá de tol estáu que menos superficie tien dedicada.