L'Ayuntamientu de Llangréu y l'Academia de la Llingua Asturiana roblen esti miércoles un conveniu de collaboración

"Esther Díaz García, Alcaldesa de Llangréu, y Ana María Cano González, Presidenta de l'Academia de la Llingua Asturiana, cuenten roblar un conveniu de collaboración esti miécoles 13 de febreru, según informaron a esti diariu al traviés d'una nota prensa.

El conveniu, que va ser robláu a les 13.30 hores nel Salón de Plenos de la Casa Conceyu, quier ""contribuir a la normalización social del usu del asturianu nel conceyu de Llangréu, y especialmente nel de la so alministración local"". Aprobándose la midida por unanimidá de tolos grupos del conceyu en comisión de Cultura, Turismu y Política Llingüística, recibiendo dempués tamién el presta de la Xunta de Gobiernu del conceyu.

L'Ayuntamientu asume d'esti mou la collaboración de l'Academia ""faciendo apueste pola normalización de la Llingua Asturiana y pola consideración de la institución como axente dinamizador del procesu de normalización y promoción del usu del asturianu nel ámbitu del conceyu"", asumiendo asina mesmo que gran parte de la población del conceyu ""usa la llingua asturiana como mediu d'espresión""."