L'Asturianu vistu como activu pal conocimientu

"La Tribuna d'opinión d'asturies.com suma l'aportación de los científicos asturianos que roblen el prólogu del llibru ""La ciencia, n'otres pallabres"", espublizáu por Trabe l'añu pasáu.

El testu, en pallabres del so coordinador Xulio Viejo Fernández, profesor del Departamentu de Filoloxía Hispánica de la Universidá d'Uviéu, ""nun ye solo un trabayu testimonial que faiga ""resumes divulgativos"" sobre distinto temes, sinón que munches veces son trabayos que recueyen directamente les llinies investigadores de los propios autores que, otra manera, tan na mesma vanguardia de la investigación científica nos sos campos respectivos"". Por ello, les persones que roblen esti artículu, miren pal asturianu dende la perspeutiva d'activu pal conocimientu, amosando, al traviés de los sos trabayos, la so capacidá instrumental d'espresión científica.

La historia d'esti testu entamaría nel añu 2007, coincidiendo col Añu de la Ciencia, momentu nel qu'un grupu de persones dedicaes a los distintos campos de la investigación científica y al empar comprometíos cola llingua asturiana, deciden organizar les primeres xornaes de divulgación científica n'asturianu. Les xornaes, que col nome ""L'asturianu sí tien ciencia"" se celebraron nel Antiguu Institutu de Xixón la selmana del 22 de mayu del pasáu añu, espayaben el trabayu de profesionales de prestixu non sólo a nivel d'Asturies, sinón tamién del mundu, con trabayos en países como Gran Bretaña o Estaos Xuníos."