Cuásique 3.500 asturianos solicitaron el permisu de paternidá

"Más de 200.000 trabayadores solicitaron el permisu de paternidá, diez meses dempués de la entrada en vixencia de la Llei d'Igualdá, el pasáu 24 de marzu, según los datos proporcionaos pol Ministeriu de Trabayu. N'Asturies, el númberu de beneficiarios foi de 3.436. La prestación económica, lo mesmo que la de maternidá, consiste nel 100 por cientu de la base reguladora del subsidiu por Incapacidá Temporal, amás de los 15 díes que dura'l permisu.

Les comunidaes Autónomes nes que mayor númberu de trabayadores decidieron conciliar trabayu y familia y poro, solicitar el permisu por paternidá, foron Cataluña, con 8.639, Madrid (32.893) y Andalucía (31.448). Nel restu de les comunidaes autónomes los datos son los que siguen darréu: Aragón (5.631), Asturies (3.436), Baleares (4.024), Canarias (7.549), Cantabria (2.606), Castiella y Lleón (9.181), Castilla La Mancha (7.765), Extremadura (3.535), Galicia (8.640), Murcia (6.014), Navarra (3.558), La Rioja (1.520), Comunidad Valenciana (21.838), País Vasco (11.609), Ceuta (200), Melilla (161).

Lo mesmo que pasa con otres prestaciones, l'Institutu Nacional de la Seguridá Social informa, nel intre, al traviés d'un mensaxe SMS, a tolos trabayadores que solicitaron esti permisu."