Galicia celebra'l día de la patria

El 25 de xunetu Galicia celebra la so xornada d'afirmación nacional, una fiesta instaurada poles Irmandades da fala nel añu 1920 y que se recuperó en 1973, cola dictadura dando les boquiaes, anque la emigración caltuvo la tradición demientres los años del franquismu. Como tolos años la Xunta de Galicia celebra los sos actos oficiales venceyaos a la celebración relixosa del día de Santiago Apostol, mientres que les demás formaciones polítiques entamen los sos actos propios. El más grande sedrá'l del Bloque Nacionalista Galego, que llama a una manifestación baxo'l lema "Máis Galiza para estar no mundo" mientres quel PSdG fadrá la tradicional ufierta floral énte'l monumentu a Castelao. El portal gallegu Vieiros que tien un especial sobre esta fiesta, afirma que tolos partíos de la oposición concueyen esti día pidir más autogobiernu