El corréu electrónicu, anque resulte difícil creelo, yá tien 30 años, un tiempu que valió pal so espardimientu xeneralizáu, pero tamién pa qu'asomaren dellos problemes. La peste de los virus vía e-mail, que medra toles selmanes cola apaición de bichos nuevos y la otra peste, la del spam, qu'amenaza con estragar los servidores atacándolos de mensaxes de propaganda, son los pilancos más gordos na utilización del e-mail. A estos dos frenos vienen a xuntase agora los mesmos proveedores de servicios de corréu de baldre, qu'esti añu sacaron la calculadora y decidieron ponese a cobrar pol so serviciu. Ente lo uno y lo otro, el corréu electrónicu pue que cambie bastante d'equí a unos añucos, cola llegada de nueves modalidaes como los correos con fecha de caducidá o l'anunciáu fin del spam. Pa saber más, lleer esti artículu en ibrújula