Selmana política nel Úlos?

El buscador de webs asturianes úlos? presenta esta selmana delles webs nueves rellacionaes cola política y la representación institucional. D'una parte ta'l web de l'agrupación socialista nel conceyu de Llanera, con abonda información sobre l'actividá del partíu nel conceyu. Si depués del afoguín inaugural se comprometen a seguir actualizándolu, sedrá ún de los meyores que tenga nenguna agrupación política n'Asturies. Eso sí, ensin conteníos n'asturianu. La otra, muncho más cenciella, ye un estoyu qu'axunta les direcciones y contactos de los consulaos de países estranxeros qu'esisten n'Asturies.Amás d'estes webs, entren al Úlos páxines d'empreses y negocios como la de Vezos y Costumes, que faen y venden traxes del país y instrumentos musicales y, ya na estaya de páxines personales, un artesanu de Piedras Blancas presenta na so páxina les miniatures que fai de castilletes de mina y aperios del campu.Pa dar d'alta un web nel Úlos? namás hai que rellenar esti formulariu. Pídese que namás s'apunten al buscador páxines que tengan un conteníu cláramente rellacionáu con Asturies