Recurría la privatización de la Fábrica d'Armes

El Tribunal Superior del Estáu va revisar la vienda de la Empresa Nacional d'Armamentu Santa Bárbola a la multinacional americana General Dynamics a denuncia del sindicatu UXT, que-y abulta que'l procesu de privatización nun siguió los calces que debiere. UXT foi siempre'l sindicatu que más tuvo a la contra de la privatización, mientres que CCOO asumiola como daqué inevitable y hasta bono porque garantizaba carga de trabayu. Los líderes de dambos sindicatos llegaron a engarrase nos tribunales por esti asuntu.ENSB tien dos centros de producción n'Asturies en Trubia y Uviéu, que según el comité d'empresa, sedría facil que trancaren por muncho que prometan los nuevos amos que van caltener les fábriques y los puestos de trabayu. Ello ye que tres tres l'escuru procesunel que General Dynamics arrampló cola Santa Bárbola, tolos centros de la empresa vienen denunciando situaciones irregulares, casu de la fábrica de Galicia, onde dixeron qu'había movimientos irregulares d'armamentu. El procesu, agora recurríu, de Santa Bárbola, nun ye l'únicu pol que General Dynamics podría fincase n'Asturies. , la SEPI anda en tratos pa qu'esta mesma multinacional del sector del armamentu merque los antiguos astilleros públicos civiles y los militares enxertaos so la nueva marca IZAR, ente ellos l'antiguu astilleru de Constructora Xixonesa, colo que la poderosa casa americana tendría tres centros de producción nel país.

De momentu, la privatización d'IZAR nun se plantega hasta l'añu 2007, pero sí que piensen poner a la GD como sociu de referencia d'equí a dientro poco, preparando'l camín de la vienda.