¿Quien manda la propaganda?

Davezu, de la qu'abrimos el corréu, alcontramos un carrapotáu d'e-mails que nun quixéremos recibir, y lo más normal ye que si dexamos unos díes el corréu ensin descargar cuando vayamos a abrilu tea estráu de mensaxes de propaganda que nun queremos recibir y que dacuando lleguen a estragar la cuenta. Dende productos milagrosos a servicios financieros, el corréu non deseau o spam ye una cosa molesta y intrusiva que nos dexa cola sensación d'insegurida de nun saber d'au sacaron la nuestra dirección pa mandanos eses coses.L'Asturnauta Anónimu, conocedor de los baxos fondos de la rede, apúrrenos un enllaz a esti web, obra del especialista Bob West nel que s'esplica como funcionen les redes mundiales d'unviu de correos-basoria y como trabaya la xente que se dedica a atropar direcciones pa les bases de datos del spam, una modalidá de propaganda que ta medrando en progresión xeométrica. Pa saber quien ta tres los correos de propaganda qu'enllenen la to cuenta, tamién pues char una güeyada nesti web, pero ten una cosa bien clara: cuando un spammer profesional tenga la to dirección, va falta-y tiempu pa da-yosla a los demás.…