Tres equipos asturianos ascienden a 2ª B

Ocurrió'l milagru. Tres equipos asturianos consiguieron l'ascensu a segunda B, colo que, amás de caltener una digna presencia asturiana na categoría tres los descensos de Caudal, Universidá y los filiales del Sporting y l'Uviéu, evítase una riestra de descensos nes categoríes inferiores del fútbol asturianu. Avilés y Unión Popular de Llangréu vuelven a segunda B depués de los sos escandalosos descensos, mientres que pal Ribesella l'ascensu ye daqué nuevo. Tolos partíos tuivieron un aquello especial por estremaos motivos.L'Avilés Industrial diba perdiendo por 2-0 col Compostela B, pero dos goles de Lobera a siete minutos p'acabar ficieron el milagru tres dos años nel infiernu de la tercera. L'empate valió pa poner al equipu de Xiel en 2ªBEl Llangréu consiguió l'ascensu xugando nel históricu Ganzabal, llenu hasta arriba pa la ocasión. Romero marcó'l gol del trunfu sobre Las Rozas nel partíu nel que se despedía'l delanteru llangreanu Pipi, protagonista de seyes ascensos de categoría, dos col Llangréu. L'ascensu del Ribesella ye'l más épicu de los tres, porque los asturianos teníen que ganar en casa al gallegu Betanzos, qu'amás tenía una prima del madrileñu San Sebastián de Los Reyes si conxuraben l'ascensu de los asturianos. Un gol d'Entrialgo na segunda parte, cola grada atacada pola afición astur, que llamaba "peseteros" a los gallegos certificó un ascensu históricu