Conciertos de San Xuan per toa Asturies

San Xuan ye una fecha na que tradicionalmente hai nueches folk en
munchos pueblos d'Asturies, dende equí vamos informavos de munchos
d'ellos pa que podáis escoyer cuál vos peta más.

Los conciertos entamen ya'l sábadu en Caravia,
"Corquiéu" actuará a partir de les 21:30 nun escenariu
tan prestosu como ye'l de la playa d'esti conceyu. El sábadu
tamién, pero na Campa L'Abeduriu que ta nel conceyu de SaMartín
del Rei Aurelio, una nueche folk con tres grupos y toa una riestra
d'actividaes. La nueche folk entamará a les 22:00 de la nueche colos
"Ciquitrinos", siguirá la "La Col.lá
Propinde" y pa finar los cántabros
"Cámbera' l
Cierzu" que presenten discu nuevu nel que contaron cola
collaboración de los Xuan Nel Expósito col Curdión y
Elías García col Bouzouki.

No que ye ya la nueche de San Xuan el domingo 23, tamién hai
abondos sitios onde ver conciertos de folk. En Llugones a les 22:00 actuen los
"Ciquitrinos" y "Llangres", en Xixón los
conciertos entamen a les 22:30 na playa de poniente colos mierenses Skanda, pa
l'ambientación de la foguera, a eso de les doce la nueche, van tar el
grupu de percusión "Ucronic", formáu por percusionistes
cubanos, africanos y asturianos que combinen ritmos tradicionales asturianos
con djembes, tambores, panderetes, bodhrams...etc. Depués de la foguera
actuará la bandina liderada por Alberto Varillas
"Ástura". N'Uviéu podremos ver a
"Corquiéu " na plaza la
catedral a partir de les 00:00 la nueche, depués de prender la foguera
de la capital.

La cita más importante pa los aficionaos al folk ye
tradicionalmente la del embalse de Tresona nel conceyu de Corvera. Esti los
organizadores decidieron recortar el númberu de grupos que n'otres
ocasiones provocaba que los conciertos llegaren hasta la mañana del
día 24. Esta vegada van ser cinco grupos, los irlandeses
"Dervish", una de les poques
oportunidaes pa ver una de les bandes más importantes de la escena folk
internacional, siguirán "Blackwater" y el grupu de folk
venío de Caceres
"Los
Niños de ojos rojos". Como non, nun podíen faltar unos
clásicos d'esta nueche como son
"Dixebra"
y como representantes del folk asturianu "N'arba".