Fuelga xeneral

Mañana Asturies ta llamao a una fuelga xeneral convocada por tolos sindicatos y bien de partíos políticos contra les reformes nel mercáu llaboral y sobremanera nel paru impuestes pol gobiernu del estáu. Les centrales sindicales asturianes, que suelen convocar primeros de mayu deseparaos ente mayoritarios y minoritarios, repiten mañana la so resquiebra convocando dos manifestaciones distintes. Pela mañana, CSI y CXT organicen la so marcha en Xixón, mientres que CCOO y UXT convoquen pa les seyes de la tarde n'Uviéu.Anque se cuenta conque la rempuesta a la fuelga, la primera n'ocho años, seya masiva, nun dexa de llamar l'atención la poca repercusión na rede de de la convocatoria. CCOO remite a la so web estatal, mientres que les organizaciones asturianes nun tienen tampoco munches referencies. Rabilando pela rede, el sindicatu UXT y Izquierda Unida faen llamamientu electrónicu a la fuelga, neto que'l SUATEA yIzquierda Asturiana qu'incluyen nos sos webs testos llamando a la fuelga pero tamién críticos pa cola convocatoria.Pa saber más sobre la fuelga, amás de los que yá se punxeron más arriba, nun podemos dexar de recomendar dellos enllaces rellacionaos (forzosamente de fuera d'Asturies) como "El piquete digital" de l'asamblea d'Izquierda Xunida de Madrid, qu'apurre bien de noticies, o "Esta Huelga Mola", que quiciás seya l'aportación más frívola al llamáu a parar mañana, que s'analiza dende una perspectiva más seria dende colectivos como ATTAC-Madrid. Portales especializaos en contrainformación como Nodo 50 tamién tienen los sos especiales sobre la xornada de mañana. Pa conocer meyor la reforma'l paru impuesta pol gobiernu, primer causa de la fuelga, recomendamos esti artículu del economista Joaquín Arriola.La plantilla d'Asturiactiva secunda esta fuelga, polo qu'Asturies.com nun actualizará mañana.