Diputaos socialistes y populares firmen al favor de la Oficialidá

La Fundación Caveda y Nava, integrada por un grupu de persones d'estremaos ámbetos sociales que defenden un consensu mínimu al favor de la normalización llingüística n'Asturies, presentó la selmana pasada un manifiestu en defensa de la llingua asturiana firmáu por ún diputáu de cada partíu políticu con representación na Xunta Xeneral del Principáu. Nel escritu, fechu "pa llamar l'atención sobre la difícil situación de la llingua asturiana y el so inciertu futuru" diz que "ye imprescindible pal exerciciu del derechu (a espresase en llingua asturiana) desarrollos llegales y reglamentarios que, como la cooficialidá, nun tendrán más llendes que les qu'entren en conflictu col Estáu de derechu". Esti artículu, en que se pide que se dean disposiciones como la d'oficialidá, fírmenlu Faustino Álvarez Álvarez pol PSOE, Isidro Oblanca pol PP, García Valledor por IX y Leonardo Verdín pola URA