La casa de Cultura de La Felguera pieslla'l cursu

La casa de Cultura de La Felguera pieslla los sos cursos d'asturianu d'esti añu. L'actu faise poco depués de la polémica nel conceyu de Llangréu pola retirada de la oficialidá, lo que-y dará al actu de clausura un aquello reivindicativo. Por ello la Casa de Cultura quier convocar a tola xente y colectivos interesaos pal llunes 17 de xunu, a les 20:15 h., nel Salón d´Actos de la Casa la Cultura de La Felguera, onde amás de facese entrega de los diplomes y les gramátiques, representarase la obra Pidición de mano acompangaos/es de la Banda Gaites Conceyu de Llangréu.

Na parte reivindicativa del actu, en que se fadrá un repás del procesu vivíu estes selmanes, intervendrán Xandru López, Conceyal d´Asturianu del Ayuntamientu, Xosé Antón González Riaño, miembru de númberu de l´Academia de la Llingua Asturiana, Rafa Palacios, representante del Bloque de la Izquierda Asturiana en Llangréu y Xandru Sánchez, representante de Xunta Moza y Xunta Pola Defensa de la Llingua Asturiana en Llangréu.