La nueva Yahoo

ún de los históricos na rede cambia por primer vez de diseñu. El portal Yahoo, que lleva col mesmu diseñu dende 1995, atrevióse a la fin a remocicar la so apariencia, anunciando que presentará pa primeros del mes qu'entra una portada distinta a la que tien agora. El cambéu nun obedez namás a criterios estéticos nin a la moda, sinon que Yahoo, neto que otres compañíes como Hotmail ta apuntándose a la moda de cobrar polos servicios qu'ofrez, una tendencia cada vez más xeneralizada nun momentu en que les grandes empreses d'internet intenten ganar perres per tolos medios. Ello que Yahoo ta reenfocando tol negociu con vistes a les suscripciones de pagu a la vez qu'intenta recuperar beneficios en propaganda. Sicasí, estes iniciatives pa convertir en mediu de pagu lo que foi de baldre tola vida nun funcionen siempre.…