La llínia del peligru

La llinia d'alta tensión Soto-Penagos vuelve otra vez a ser noticia. La selmana pasada, Rede Eléctrica entamaba otra vez les obres de la polémica infraestructura, que pasa pel medio de bien de pueblos del centru y oriente astur y que quedó parada depués de la sentencia del Tribunal Superior pola que se-y retiraba la declaración d'utilidá pública. Si va unos meses la empresa REE dicía que nun había riesgu pa la salú cola construcción de la llinia, agora son les plataformes vecinales les que tienen un estudiu alternativu, encargáu a l'Asociación GEA nel que se reconoz que Soto - Penagos ye un riesgu pa la salú pública.