La Universidá inaugura un campus vaciu

Esta tarde, la Universidá d'Uviéu estrena'l Campus de Mieres, una instalación pensada en tiempu del anterior rector Julio Rodríguez pero que nunca nun tuvo'l preste del actual rector Juan Vázquez, que yá de la que garró'l cargu dixo que nun veía que carreres podíen estudiase nel xigantescu edificiu, d'aquella n'obres. El treslláu de la facultá de mines a Mieres yera ún de los argumentos colos que se trabayaba pa da-y conteníu al edificiu, pero a la fín mines seguirá n'Uviéu, colo que los 54 millones d'euros con cargu a los fondos mineros responsables d'esti modernísimu campus, valdrán namásl que pa impartir unes poques titulaciones técniques. La llegada de nueves carreres que completen la ufierta del campus tendrá d'esperar más años.