Consuelo Vega declárase “personalmente enfotada” na collaboración con toles instituciones

"La Direutora Xeneral de Promoción Cultural y Política Llingüística, Consuelo Vega Díaz, xunto cola Direutora de la Oficina de Política Llingüística, Maria Antonia Pedregal, la Presidenta de l'Academia de la Llingua Asturiana, Ana Cano, y la Presidenta de Gremiu d'Editores d'Asturies, Marta Magadán, inaguraron esti xueves en París, el stand empobináu a esparder y promocionar el conocimientu de la llingua asturiana.

En pallabres de Consuelo Vega ""Dende la Conseyería tenemos un compromisu claru, y prioritariu, de defensa y promoción del asturianu n'Asturies; pero ensin renunciar a la promoción y afirmación esterior nos principales foros internacionales, como esta feria de Paris na que presentamos tanto la producción lliteraria, como dellos materiales empobinaos al esparcimientu del asturianu, dalgo asina como una presentación en sociedá"".

Esti actu supón una amuesa más del acercamientu ente'l Principáu y l'Academia de la Llingua Asturiana, contautu que s'espresó cola voluntá del Gobiernu asturianu de siguir collaborando coles instituciones, asociaciones o coleutivos implicaos na defensa del asturianu. Asina, Vega sorrayó'l fechu de que la llingua y la cultura asturiana ""merecen que les instituciones y gobiernos faigamos por caminar xuntos; toi convencida, y personalmente enfotada, en que podamos siguir trabayando nesti sen na defensa y promoción del asturianu""."