La invasión americana

Nesti mundu de comunicaciones y cultura globalizaes, los EEUU tienen una clara posición dominante nel mercáu mundial del cine y los audiovisuales. Ente Europa y los EEUU va años que se desarrolla una guerra comercial por esta tema, una guerra que dacuando ye más escandalosa qu'otres veces, como por exemplu cuando la multinacional americana Universal tomó al asaltu l'accionariáu de Canal+, ún de los principales axentes audiovisuales europeos. Ello ye que los mesmos organismos de la UE reconocen que los Estaos Uníos tan faciéndose cada vez más hexemónicos, y mientres América saca más tayada del mercáu televisivu y cinematográficu européu, los productos del vieyu continente nun son quien a trunfar nos EEUU. Asina lo reconoz nesti informe l'Observatoriu Européu del Audiovisual, que diz, ente otres coses, que'l déficit audiovisual Europa -EEUU foi de 8.2 billones de dólares nel 2.000.