L'Academia aconceya colos sindicatos pola tema de la enseñanza

L'Academia de la Llingua Asturiana y tolos sindicatos de la enseñanza (Fete-UXT, CCOO y SUATEA) tan acabantes de celebrar esta mañana una xunta especial p'analizar la situación de la enseñanza de la Llingua Asturiana. Ente les resoluciones adoptaes nesti conceyu, ta l'esixir al Gobiernu asturianu la corrección inmediata del currículum de Llingua Asturiana acordies cola propuesta de la Comisión Redautora y col dictame del Conseyu Escolar, que los currícula de llingua asturiana de primaria, secundaria y bachilleratu s'espublicen yá y col mesmu tratamientu que'l restu de materies curriculares y tamién que'l Principáu regule llegalmente la enseñanza de la Llingua Asturiana pente medies d'un desarrollu afayadizu de la Llei d'Usu del Asturianu.Academia y sindicatos avisaron tamién de que'l miércoles 19 xuntaránse col profesoráu de Llingua Asturiana de toles etapes educatives pa esclariar la situación y preparar les midíes reivindicatives que-yos paezan más apropiaes.Pues lleer equí'l comunicáu enteru de l'Academia de la Llingua Asturiana