Música asturiana en Lluces

Esti fin de selmana la localidá del conceyu de Colunga,
Lluces, celebra les sos fiestes, y ente toa una riestra d'actividaes qu'ocuparán los tres díes, podemos topar el domingu, día en que la música asturiana sedrá la principal baza.El domingu pela mañana actuará la banda de gaites "La
Quintana de Xixón", que fadrá un pasacais per tol pueblu. Ya de tarde, a partir de les 19:30, actuarán la cantante de tonada Anabel Santiago, que ta preparando un discu en solitariu que quier abrir nuevos caminos a la tonada, y un clásicu de la canción asturiana como ye Jorge Tuya. Depués de la tonada vendrán los monólogos de Pin de la Cotolla, y pa finar, l'actuación del grupu de folk "Merlín", banda formada por músicos na so mayoría de Lliberdón y que defende y practica una forma personal d'entender el folk.