Los marcianos sí son verdes

Los Verdes d'Asturies son un partíu políticu que, dientro del so calter de fuerza estraparlamentaria, sacaron delles vegaes resultaos curiosos n'elecciones llevando siempres la bandera del respetu al mediu ambiente. Acabantes de refundar, Los Verdes- Izquierda Verde d'Asturies ven un futuru nesi color pal país, y, cola vista puesta nel futuru, tamién camienten un porvenir "verde" pal planeta encarnáu.Ello ye que nel web de Los Verdes, qu'estrenaron la selmana pasada, pue lleese esti documentu nel que'l partíu espresa'l so criteriu énte una hipotética colonización del planeta Marte. Lo que parez un testu d'Isaac Asimov ye en realidá un documentu políticu en que Los Verdes reconocen que tan esmolecíos pola tema. La coalición política pide que nun s'esplore Marte con un aquello d'esplotación de recursos naturales y solicita que seya la ONU l'organismu qu'abandere la presencia humana nel planeta. Eso sí, casu d'alcontrase vida intelixente nel planeta, Los Verdes dicen que la colonización humana nun tendría xacíu porque podría dase una guerra interplanetaria.…