Tien previsto axudicase güei'l tramu Unquera - Llanes

"La ministra de Fomentu, Magdalena Álvarez, dio anuncia de l'axudicación, a lo llargo de día de güei, d'ún de los tramos Unquera - Llanes, demientres que l'otru que falta tien previsto axudicalu a lo llargo la selmana que vien. Asina, Álvarez aseguró que ""tol tramu va tar en obres nel 2008"", lo qu'amuesa lo que dende'l so puntu de vista ye un ""ritmu impresionante"" nes obres de l'Autovía del Cantábricu.

Nesti mesmu sen el Delegáu del Gobiernu, Antonio Trevín, sorrayó que ""hai que reconocer que se mire como se mire ye un tiempu récord, porque en cuatro años, entamando de cero, ficiéronse tolos trámites y déxase la obra entamada"".

Sicasí esti ye ún de los tramos que más polémiques tán xenerando, sobre manera por parte d'usuarios y vecinos del tramu de carretera nacional qu'entá sigue n'usu."