Pingarates folk

La selmana pasada'l Conceyu d'Uviéu anunciaba qu'esti añu nun va haber edición de la Selmana Céltica, que ta bona acoyida tuvo l'añu pasáu, onde actuaron xente como Phill Cunningham, Felpeyu, Jose Angel Hevia...etc. La razón que da'l conceyu ye'l recorte presupuestariu que tien que facer pola sentencia del Tribunal Supremu, anque tamién comentaron la intención de recuperar esti festival nun futuru. Sicasí, y pa que nun desapaeza dafechu la música celta de la Feria de l'Ascensión, ta estudiándose a propuesta del grupu municipal d'IU la posibilidá de facer un conciertu folk ensin gran presupuestu na llosa de la RenfeDe cualquier manera va haber folk n'Uviéu esta selmana. El xueves 2 de mayu a les 22:30 nel chigre Ca Beleño d'Uviéu, actuación del grupu Bron, formáu por José Menéndez, a la flauta travesera, Daniel Lombas, antiguu percusionista de Llan de cubel, Alberto Ablanedo al bouzouki y Dolfu Rodríguez col vigulín.Güei martes día 30 en Xixón,a les 22:00 hores, Felpeyu va dar un conciertu enforma emotivu. El conciertu ye con motivu del pieslle d'un chigre míticu pa tolos aficionaos de la música folk d'Asturies, El Trisquel de Xixón, qu'echa la llave por derribu del local esta nueche con una gran fiesta na qu'actuará'l grupu xixones, que fizo los sos primeros ensayos nesti cenáculu del folk.