El Supremu para Soto-Penagos

El Tribunal Supremu d'España, arriendes de la denuncia de la Asociación Cántabra de Municipios Afectados por la Alta Tensión, niega calter d'utilidá pública a la llínia d'alta tensión Soto-Penagos. Esta sentencia vien a contradecir la intención de Rede Eléctrica y del Gobiernu asturianu, que taben enfotaos n'acabala pa esta llexislatura pel procedimientu d'urxencia. Per otru llau, la paralización de Soto-Penagos, qu'agora tendrá que facese más despacio, preocupa tamién al Gobiernu y les grandes empreses eléctriques que lleven tiempu anunciando grandes planes p'Asturies, que doblaría la corriente que produz Anguaño. Los grupos nuevos que van facer HC en Soto Ribera y Aboño y el d'Iberdrola en Llangréu necesitarán esa llínia como l'agua pa sacar fuera d'Asturies la electricidá, pero Rede Eléctrica amenaza con que, de nun facese la llínia, puede llegar a estragase'l sistema eléctricu dientro d'Asturies.