Los EEXX, tres el guelpe en Venezuela

Los medios norteamericanos de gran tirada reconocen güei que'l gobiernu de los EEXX anduvo caciplando nel intentu fallíu pa echar del poder a Hugo Chávez esti fin de selmana. El diariu New York Times y la revista Newsweek son los primeros medios en reconocer participación norteamericana nesti falsu guelpe, asegurando que personaxes de la oposición a Chávez anduvieron en tratos con representantes americanos díes enantes del intentu de derrocamientu.