L'Academia y l'Arzobispu

La presidenta de l'Academia de la Llingua Asturiana, Ana Cano y el secretariu Roberto Glez. Quevedo aconceyáronse esti día col nuevu Arzobispu d'Uviéu Carlos Osoro, pa pidi-y que, como máximu representante de la Ilesia asturiana, tenga en cuenta qu'exerce la diócesis nuna tierra con un fechu cultural importante, que ye la esistencia de la llingua asturiana. Poro, los representantes académicos pidieron que fixera lo posible por incluyir l'asturianu nes práctiques litúrxiques.Acabante la xunta, Quevedo dixo que l'Obispu tuvo receptivu y comentó-yos que, al venir d'una tierra como Galicia yá tenía esperiencia con una realidá billingüe.L'anterior Obispu, Díaz Merchán, ensin abrir debate nengún sobre l'asuntu dientro de la institución eclesiástica, nin dar más pasos qu'un "dexar facer", significóse más d'una vez a favor de la llingua asturiana, llegando a declarase partidariu de la oficialidá de la mesma como única midida válida pa salvala de la desapaición.