Consuelo Vega xustifica la falta de conveniu na Normalización Llingüística

"La Direutora Xeneral de Promoción Cultural y Política Llingüística, Consuelo Vega, esplicó'l vienres nuna rueda de prensa la imposibilidá del Principáu de roblar el conveniu pol que se diba regular el funcionamientu y les condiciones de los diferentes servicios de normalización llingüística que funcionen n'Asturies, por mor de la prollongación presupuestaria.

Vega retrucaba d'esti mou a les crítiques de l'Asociación de Trabayadores de la Normalización Llingüística y la Xunta Pola Defensa de la LLingua Asturiana, nes que recordaben que'l Principáu se comprometiera n'ochobre a la robla del conveniu. Vega negó amás el pieslle de los Servicios de Normalización de Mieres y Samartín del Rei Aurelio asegurando que ""caltiénense les sovenciones pa tolos servicios que vienen funcionando nos caberos dos años"". ""De fechu, hai ocho díes"", esplicó, ""unvióse la convocatoria de les mesmes a tolos conceyos nos que funcionen los servicios""."