Histories pa nun dormir en Barcelona

Agora que s'apaguen les lluces del cume de Barcelona, y a menos d'un mes del conceyu del Ecofin n'Uviéu, los asturianos y asturianes que participaron nes movilizaciones antiglobalización en Barcelona cuenten les sos esperiencies na histórica manifestación del sábadu, que tan bien lloñe de les d'un fin de selmana de turismu. Ello ye que les fuerces de seguridá detuvieron a cinco asturianos en Barcelona, qu'agora tienen xuiciu pal 9 d'abril acusaos de "manifestación ilegal". Los deteníos dicen que la policía maltratolos y que nos partes de denuncia los axentes punxeron datos falsos pa enguedeyalos n'actos en que nun tuvieron. En xeneral, tolos colectivos participantes na manifestación coincidieron en pintar Barcelona como una ciudá tomada, con un ambiente de control y represión semeyu al d'una dictadura, pero lo que ye p'asustar ye'l relatu que fai el periodista asturianu de La Estrella Digital Quique Faes del rexistru policial del autocar en que volvía de Barcelona dempués de la manifestación. Nel so artículu Quique Faes denuncia que les fuerces de seguridá, que trataron a la baqueta a la xente del autocar, marcháron-y coles semeyes que sacare na manifestación. Nuna crónica apavoriante, diz que cuando intentó esplicá-y al axente de policía que yera periodista, esti respondió-y "Encantáu. Yo soi, policía, de les fuerces d'ocupación". Llee equí l'artículu enteru