El PP critica'l caltenimientu de los 69 asesores de la Conseyería d'Educación

"El diputáu del Grupu Parlamentariu Popular na Xunta Xeneral del Principáu y voceru d'Educación, Emilio Rodríguez, declaró que considera escandaloso que demientres se suprimen 125 places de profesores nel Principáu la Conseyería d'Educación caltenga 69 asesores en plantiya.

Al traviés d'una nota prensa, el diputáu 'popular' recuerda que la Conseyería d'Educación ""perdió les competencies de personal"" polo que nun s'entiende que caltenga a un númberu tan altu d'asesores. Al empar, Emilio Rodríguez sorrayó que'l Conseyeru d'Educación, José Luis Iglesias Riopedre, sabe que ye ""mentira"" que los 125 puestos que se suprimen vayan a recolocase, yá que gran parte d'ellos tán a piques de xubilase.

Dende'l puntu de vista del PP, con esti recorte de plantiya tórgase'l funcionamientu de ""programes importantísimos"" a desarrollar nos centros educativos, como los d'esparcimientu de la llectura o l'atención a los emigrantes."