Internet vía satélite en Somiedu

El Gobiernu asturianu presenta güei un proyectu pilotu pa da-y conexón a la rede internet vía satélite al conceyu de Somiedu. La idega ye que la xente que vive separtao de les redes de teléfonu y cable y que tien falta de conectase a la internet, sobremanera empresarios del turismu rural y ganaderos, que merquen y venden productos pela rede, tengan una conexón amañosa ensin falta de cable gracies a la tresmisión inalámbrica de datos. Pa esti proyectu pilotu, el Principáu ta trabayando cola empresa de telecomunicaciones ONO.El problema que tien esta conexón ye que ye cara. El Principáu falaba d'un coste de cerca del millón d'euros pa esti eesperimentu, y ye que solo cada terminal que tien l'usuariu en casa cuesta sobre 1.200 euros. Pa más aquello, nun hai tarifa plana que valga, porque cada vez que s'entra a la rede hai que pagalo a preciu de llamada de teléfonu móvil.