Lo menos 43 muertos en dos atentaos en Bagdad

"Polo menos 43 persones morrieron y 85 salieron con mancadures nos atentaos con bomba que tuvieron llugar el vienres escontra dos mercaos d'animales, según afirmaron fontes policiales.

Per una parte, polo menos 35 persones morrieron y 75 salieron con mancadures dempués de la esplosión d'una bomba escondida nuna xaula de páxaros del popular mercáu de mascotes de Ghazil, nel centru de Bagdad. D'otru llau, ocho persones morrieron y diez resultaron firíes como consecuencia d'otru atentáu nun mercáu de páxaros nel sur de la capital.
El mercáu de Ghazil, que yá sufrió dellos ataques l'añu pasáu, namás abre los vienres y ye un llugar d'alcuentru pa cientos de bagdadís."