Trabayadores de La Camocha corten l'Autovía Minera

"Los trabayadores de La Camocha cortaron n'alborada del vienres l'Autovía Minera a l'altura de Llorio, demientres que seis de los sos compañeros siguen zarraos nel pozu. L'oxetivu ye pidir el pagu de los salarios atrasaos, que sumen yá tres meses más la paga de Navidá, según esplicó'l presidente del Comité Fernando Gómez.

Los trabayadores decidieron siguir coles movilizaciones dempués de que'l pasáu miércoles aconceyaren los representantes sindicales colos responsables del Ministeriu en Madrid, desixendo nesta xunta'l cumplimientu inmediatu de los alcuerdos de setiembre. Por embargu, y dempués de cinco hores de cnceyu, nun llegaron a ponese d'alcuerdu en nengún de los puntos. Asina Gómez sorrayó que les movilizaciones ""son la única salida que tenemos"" y anunció una concentración de sofitu nel rodiu la mina pal domingu que vien."