Nun hai vixilancia en Cellagú

Cualquiera puede entrar al castru de Cellagú, que fore va poco víctima d'un de los mayores espolios que se fixeren nunca sobre'l patrimoñu históricu asturianu. Asina lo comprobó esta selmana un grupu de persones de l'agrupación política nacionalista IAS, qu'entraron en castru pa facer un actu de protesta pola decisión de la Comisión de Patrimoñu de nun declarar el castru Bien d'Interés Cultural, dexando asina que la cantera de la empresa Readymix Asland arrample col so allugamientu, anque los restos del castru vayan treslladase a un aula especial n'Uviéu. Anque se suponía que la Conseyería tenía puestu un serviciu de vixilancia en Ccastru, lo cierto ye que los únicos que cuiden que nun se meta naide al castru son los amos de la cantera, esmolecíos porque se faigan ellí actos de protesta. La web d'IAS recueye la información sobre l'actu . Si tienes especial interés, tamién puedes lleer esti artículu de l'arqueóloga Gema Adán, qu'escavó'l castru nel añu 96.