L’Asociación de Trabayadores de la Normalización Llingüística pide mayor seriedá y planificación pa cola normalización del asturianu

"L'Asociación de Trabayadores de la Normalización Llingüística, pente medies d'un comunicáu de prensa, denuncia puntu por puntu l'incumplimientu de los compromisos que la Conseyería de Cultura-yos treslladó na xunta del mes d'ochobre.

Nesti comunicáu los responsables de los Servicios de Normalización Llingüística d'Asturies espresen la inestabilidá que vienen encarando nestos cinco años de funcionamientu, inestabilidá qu'atoparía'l puntu cola ""firma d'un conveniu ente'l Gobiernu del Principáu d'Asturies y los Conceyos"". Nesti sen, l'aconceyamientu d'ochobre valió pa valorar esta iniciativa ""como la meyor tamién per arte de la Conseyería de Cultura"". Ensin embargu, y pesie a redactase unos convenios col compromisu de tratar esta cuestión nel conseyu de Gobiernu del 26 d'avientu, ""los fechos y consecuencies foron otros bien distintos"".

Denuncien amás el pieslle del Serviciu de Normalización de Mieres y Samartín del Rei Aurelio, al empar que s'anuncia ""la creación de nuevos Servicios de Normalización pa la zona del Navia - Eo y pal conceyu de Llaviana"", actuaciones que valoren como ""una tomadura de pelo y una irresponsabilidá"". Pa finar L'Asociación de Trabayadores de la Normalización Llingüística critica'l papel de la Conseyería de Cultura pa cola normalización social de la llingua asturiana, diciendo que ""lo que que se necesita nun son compromisos nin intenciones, sinón fechos que valgan pa facer una política llingüística planificada y seria."""