El campu cotizará per autónomos

Nun hai bones nueves pal sector agrícola. La selmana pasada, a pregunta del diputáu del PSOE Celestino Suárez, el Gobiernu del Estáu esclarió que quier retirar el réxime especial agrariu y enxertar a los sos beneficiarios en réxime xeneral primero de qu'acabe la presente llexislatura. Esta midía obligaría a que 16.700 persones n'Asturies se pasaren al réxime d'autónomos, pasando de cotizar más de 100 euros más tolos meses. La desapaición del réxime especial agrariu ye daqué que venía espeyao nel Pactu de Toledo de 1996, pero nun s'especificaba que tuviera que pasase a otra modalidá más doliosa pa los que se beneficien anguaño d'esta cotización. El sindicatu SAC-COAG tien esti interesante documentu en qu'esplica'l procesu que se dio dende'l Pactu de Toledo p'acá y apurre la so alternativa a la desapaición del actual réxime agrariu, que, de cualquier manera, abúlta-yos que ta superáu pola realidá.