Internet vía satélite en Llanes

La Federación Asturiana d'Empresarios va echar a andar un proyectu pilotu pa que les empreses que trabayen en sitios onde nun hai conexón a la internet puedan entrar a la rede vía satélite. La FADE anda en tratos cola empresa NEO, una de les pioneres na tresmisión inalámbrica de datos. La primer empresa asturiana que va probar l'esperimentu va ser la Casa Rural La Montaña Máxica de Llanes, y la idega ye llevar la rede a dos sectores que tienen bona falta d'ella, los negocios de turismu rural y los de ganadería.Mientres la FADE lleva a los sos asociaos la tecnoloxía más nuevo, el restu la xente que vive en llugares onde nun lleguen el cable, l'ADSL o la llínia convencional tienen d'aguantar colos teléfonos TRAC de Telefónica, una tecnoloxía tan inalámbrico como'l satélite, pero cola que l'accesu a la rede ye cásique imposible.