Les ONG's piden un mayor pesu nos programes electorales

"Intermón Oxfam, Amnistía Internacional y Greenpeace, acaben presentar en Madrid un ""decálogu"" coles propuestes que, na so opinión, deberíen centrar los programes electorales de los partíos políticos y l'axenda política del 2008. Ente los diez pidimientos tán dellos compromisos escontra'l cambiu climáticu, iniciatives ""reales"" de llucha escontra la probitú y una reforma ""radical de la política migratoria pa que ""se respeten los derechos humanos"".
""Sabemos qu'agora se discute sobre los 400 euros, pero a les nuestres organizaciones prestaría-yos que s'aldericara sobre asuntos que tienen que ver direutamente col modelu de sociedá"" declaró'l direutor de Greenpeace, Juan López de Uralde, que presentó les tres primeres propuestes del decálogu, desixendo una llei d'enerxíes renovables, 1.000 millones d'euros añales p'amenorgar el cambéu climáticu nos países probes y la baxada de les emisiones contaminantes. No que cinca a los Drechos Humanos, el direutor d'Amnistía Internacional, Esteban Beltrán, centróse na necesidá d'una reforma ""radical"" de les polítiques migratories españoles que pase pol respetu de la llexislación y los convenios internacionales y que mire polos drechos de los emigrantes. Pa ellos, les tres ONG's soliciten qu'España faiga por ser la cabezalera d'esti tipu de política nel contestu de la Unión Europea, reafirmando asina la Convención de la ONU sobre la proteición de tolos Trabayadores Migratorios."