Enron chisca al vicepresidente

La busca de reponsables na crisis de la eléctrica americana Enron, que fexo la mayor quiebra na historia de los EEUU, yá ta entrando nuna fase política dafechu. El que yá se conoz como "Enrongate" ta valiendo pa que por primer vez na historia, el Congresu de los EEUU s'engarre col poder executivu. La Oficina de Contabilidá Xeneral, dependiente del Congresu, pidió que'l vicepresidente Dick Cheney esclarie lo que faló colos representantes d'Enron les veces que se xuntaron pa definir la política enerxética del Estáu. La negativa del gobiernu a dar nengun papel sobre les sos rellaciones con Enron podría ser un intentu d'esmucir les rellaciones polítiques ente la Casa Blanca y los executivos de la compañía texana.L'ascensu y caida d'Enron, que pasó de ser una compañia pequeña a facese un xigante del mercáu eléctricu consiguiose a través d'arriesgaes operaciones especulatives. La so quiebra, de la que los sos executivos salieron beneficiaos económicamente, ye l'últimu saltu mortal ensin rede d'un escándalu que ta chiscando al gobiernu del país más poderosu del mundu.