A la cola del estáu

Apaecen más informes malos sobre la economía asturiana. La última aportación faila la Fundación de Caxes d'Aforros Confederaes, que reconoz nel informe que ta acabante d'espublizar que'l Productu Interior Brutu asturianu ye'l que menos creció dende l'añu 95 p'acá. Según l'estudiu, el PIB asturianu creció'l 15% nestos años, mientres que la media del estáu foi del 22,3%. A la cabeza tan Baleares, col 28,8% y Extremadura, una comunidá tradicionalmente probe pero que, enxertada na ruta Madrid-Lisboa ta dando un reblagu económicu que llama l'atención. Ensin que nenguna multinacional punxere fábrica ellí y ensin falta d'actuaciones espectaculares, Extremadura vio como nestos cinco años el so PIB creció'l 28,1%.