Toponimia y propaganda

Anque a fecha de güei hai más de 300 denuncies alministratives presentaes contra la Conseyería d'Infraestructures por incumplimientu de la Llei d'Usu no referío a la toponimia (les carreteres nueves siguen rotulándose con nomes deformaos a pesar de que la llei "manda" que los topónimos han ser los tradicionales), l'Alministración autonómica en collaboración con dellos conceyos asturianos acaba poner na cai unos col lema "Los pueblos y ciudaes d'Asturies tienen nome propiu", col subtítulu de "campaña pa la recuperación de la toponimia asturiana". Amás de la propaganda en "mupis" (encontos publicitarios na cai) lleven unos díes emitiéndose anuncios en televisión y en cines col mesmu eslogan, onde se ven imaxénes del mundu rural, un castillete de mina y vistes xenerales de pueblos con carteles a la entrada. Ún de los carteles, pon "Mieres" y otru Gijón/Xixón, lo que nun esclaria muncho de la intención de la campaña y pelo contrario sema bien de dudes. .La Conseyería de Cultura entama asina una campaña propagandística nun momentu nel qu'hai entamaes delles movilizaciones pol idioma, como la manifestación del próximu día 2 de febreru y xustifica'l gastu de bones perres na promoción del idioma, pa consumu de propios y estraños. Más d'ún dirá que nun se sabe de que se quexen estos del bable…