Nuberu nel tiempu

Esti ye'l títulu de la cabera publicación d'Editora del Norte, una edición que pertenez a la serie Llibros-CD, y que ta dedicáu al míticu dúu Nuberu. Consiste nun llibru y un CD con 11 cantares, onde se fai repasu a la hestoria de la formación dende'l puntu de vista musical y humanu.El llibru, escritu por Benigno Delmiro Coto, cuéntanos coses como les primeres actuaciones musicales de Manolo Pedrayos col grupu Los Halcones allá pel 1969, la primera actuación de Chus Pedro y Manolo xuntos, nun festival de música folk de les fiestes patronales de La Laguna nel añu 1973, onde y como crearon la mítica Aida de la Fuente, la ocasión en que Chus Pedro tuvo a puntu de grabar discu en Madrid de la mano de Victor Manuel...etc. Una narración de la evolución d'esti dúu, qu'entamo col nome de Camaretá en 1975, y que finalmente acabaría nel Nuberu que güei conocemos. Nel llibru tamién podemos topar una cronoloxía-resume de los acontecimientos más importantes na hestoria del grupu, un cancioneru coles lletres de los cantares mas conocíos, y bayura de semeyes de les sos distintes époques.El CD tien 11 cantares, que como'l llibru, echen-y un pequeñu repasu al repertoriu del dúu, cantares como Aida de la Fuente, Dame tira, Delina, Chalaneru, temes que de xuro dalguna vez cantasti o sentisti cantar en cualesquier espicha o fiesta, y por increíble que paeza nun dexen de tar de moda.