Webs n'obres

Una selmana bien interesante nel buscador asturianu úlos? qu'esta selmana adelantose a la mesma realidá y recoyó bien de webs interesantes pero qu'entovía tan ensin acabar. Pa entamar, hai que falar del web dedicáu a la Reserva Natural de la Ría de Villaviciosa. Entovía-y falta por desarrollar los conteníos, pero ye un entamu prestosu. Otru web acabante d'estrenase pero colos conteníos ensin desarrollar ye'l del Coleutivu Manuel Fernández de Castro. El grupu d'eclesiásticos pol asturianu tien compraos dos dominios dende los que pue entrase al so web: www.coleutivu.com y www.bable.org. P'acabar, otru web ensin terminar pero que ya tardaba n'apaecer ye'l del Conseyu de la Mocedá del Principáu d'Asturies. Anuncia conteníu n'asturianu y castellanu, pero de momentu namás funciona nel segundu idioma. Tamién hai webs terminaos y funcionando. El grupu scout d'Uviéu San Isidoro o l'institutu de secundaria de Ciañu son namás un par d'ellos. Convidámoste a entrar nel Úlos pa conocer la rede asturiana y recordamos que pa dar d'alta un web nel Úlos? namás fai falta que rellenar esti formulariu. Pídese que se dean d'alta webs de conteníos asturianos o rellacionaos con Asturies.