Asturies, rosa y virtual

La Sociedá Rexonal de Turismu ta acabante d'anunciar el resultáu del concursu "buscamos un logotipu", col que se pretendía remocicar la imaxe del yá tradicional logo de la marca turística "Asturies Paraísu Natural" p'averalu más a la xente mozo. El xuráu, formáu por reconocíos diseñadores y personaxes del mundu de les artes, dió-y el premiu diseñador Javier Gómez de Castro, pol logotipu Asturias Siglo XXI, nel que sobre un fondu rosa con lunares, rescampla'l símbolu de les tres ventanes del prerrománicu. Un punteru de ratón completa'l resultáu, que nun pue menos que calificase de sorprendente.Los responsables de turismu avisaron de qu'esti logo nuevu nun va sustituyir al vieyu, y que namás va usase en campañes empobinaes a la mocedá. Llama l'atención la valoración del xuráu, que diz que lo que más estimaron de la obra ganadora foi "el matiz innovador qu'aporta a la imaxe d'Asturies, amestándo-y al yá consagráu Paraísu Natural una imaxe alegórica del Paraísu Virtual en que s'espeya'l Principáu del Sieglu XXI". Rosa, virtual y queriendo semeyar modernidá, asina ye l'Asturies del sieglu XXI.Yá pues votar en Conceyu Abiertu qué te paez esti nuevu logotipu.