La UE corta nel 2.006

L'ampliación de la Unión Europea hacia l'este va dexar a Asturies fuera del grupu de comunidaes oxetivu 1. Entren nesta categoría aquelles comunidaes que nun lleguen al 75% de la media europea de renta per capita. Asturies, qu'anguaño nun llega a esi 75%, quedaría col 83% n'entrando los diez países candidatos del este d'Europa, perdiendo automáticamente l'estatus d'oxetivu 1. De ser asina, los programes d'ayuda qu'agora recibe'l país acabaríense nel añu 2.006, que ye cuando termina l'actual plan marcu. La primer estimación del Gobiernu asturianu ye que dexaríen d'ingresase más de 120 millones d'euros al añu. Pa más informacion pue consultase'l web de la Dirección Xeneral de Política Rexonal de la UE