Certame del afuega'l pitu

Esta fin de selmana celebrose en Morcín la XXII edición del certame del quesu d'afuega'l pitu. Ente roxos y blancos, punxéronse a vender más d'ocho mil unidaes d'afuega'l pitu nuna xornada que sirvió p'afitar la bona trayectoria del segundu quesu con más proyección del país xunto col Cabrales. Ello ye que la producción yá pasa de los 200.000 quesos al añu, y la denominación d'orixe podría tar bien cerca, anque nun hai nada seguro. De momentu, l'afuega'l pitu tien bien d'almiradores, y sal hasta en páxines especializaes del Xapón.