Oricios, heavies…

Esta selmana, nel buscador de webs asturianes úlos? entren bien de webs d'empreses. La casa de conserves Agromar, que vende'l conocíu "caviar d'oricios" ye una d'elles, pero tamién hai qu'alcordase d'ITEM, una empresa d'inxeniería qu'apuesta pol dominiu asturianu .as. N'otres estayes temátiques hai que dicir que entra'l web del Grupu de teatru Barataria, qu'estos meses anda representando per Asturies Gasolina con Capullos, la obra que ganó l'añu pasáu el premiu de testos dramáticos de l'Academia de la Llingua Asturiana. En música entra'l grupu de Heavy Metal Northwind, mientres que nel separtáu de turismu, llega'l web de l'Asociación de Turismu Rural en Cases d'Aldea, cola guía d'establecimientos de turismu rural. Mui curiosu, si se tien paciencia pa esperar a que carguen les animaciones en flash.Pa dar d'alta un web nel Úlos? namás hai que rellenar esti formulariu y unvialu per corréu electrónicu. Pídese que los webs que se dean d'alta seyan de temática rellacionada con Asturies o fechos n'Asturies.